OL Tim PNG etlit husat i bin go resis long Samoa Pasifik Gem i wetim tok promis bilong Minista
Wesley Raminai long givim mani.

Minista bilong Spot na Haia Edukesen Riset Sains na Teknoloji i bin mekim komitmen bilong givim
mani long olgeta etlit husat i bin go daun na salens long 2019 Pasifik Gems long Samoa.
Olgeta etlit bilong Tim PNG i wetim Minista Raminai tasol i no gat wanpela bekim yet kamap bikos
long dispela COVID-19 Pandemik i surukim olgeta plen bilong spot.
Wanpela etlit bilong Tim PNG i laik save moa long wanem taim ol bai kisim dispela mani bilong ol
bihainim tok promis bikos olgeta i bin karim plak bilong kantri kam bek wantaim gutpela rekot.
Minista bilong Spot na Haia Edukesen Wesley Raminai i bin tokim Wantok Niuspepa olsem em bai
traim long painim mani long toksave long ol etlit bilong Tim PNG long COVID-19 na ol i mas surukim
dispela plen bilong en.
“Mi bai wok long en na inapim tok promis bilong mi olsem na mi laikim olgeta etlit long givim taim
pastaim long mi ken stretim dispela,” em i tok.
Jacklyn Kimala i raitim