SPORTS Tok Ragbi 7s Tonamen i redim deit bilong 2021 sisen salens maski wantaim planti hevi bilong COVIVD-19 long ol las mun tasol Ragbi 7s i bin kamap wantaim fainel skedul taim long Oktoba 2 na 3.

Ol i bin mekim dispela fainel taim bilong tonamen long kamap dispela yia, na ol i gat bilip olsem olgeta bai kamap gut taim olgeta stat long lainim Nupela Pasin long stap laip “Nu Nomol”, long bihainim ol COVID-19 protokol.

Frensais Ona bilong Sports Tok Elsie Passingan i tok ol i gat 24 tim bin rejista pinis wantaim ol arapela 3-pela tim i wetim spes. Tasol wanpela tim bilong Daru i bin pul aut long dispela sisen, we i bin givim spes long wanpela bilong ol 3-pela tim i wetim spes long kisim ples na narapela 2-pela tasol i wet yet olsem na nau ol i gat 24 rejista tim na 2-pela tim i wetim spes no gut wanpela tim i no kamap.

Em i tok ol i bin apdeitim olgeta rejista tim bilong dispela tonamen inap nau ol tokaut long deit bilong 2021 Sports Tok Ragbi 7s Tonamen na redi long statim klsotu taim nau.

Em i tok dispela bai wankain Tonamen bilong las tripela yia bai kamap long dispela yia tasol dispela taim wantaim COVID-19 Protokol.”

Ol i amamas tu long tokaut long dispela Nesenel Kapital Distrik Komisin (NCDC) long Spot Dipatmen na Puma Energy long sapotim dispela tonamen namba tu taim. Ol sapot sponsasip bilong Tonamen i stap yet bilong ol bisnis haus na wan wan husat i laik sapotim.

Ol i painim neming rait sponsa na arapela ol sapot sponsa tu long sapotim ol.

Long wankain taim ol bai givim sans long (Branding) promosen long taim bilong 2-pela de tonamen na mekim ol luksave long dispela Nesenel Ragbi 7s tonamen i save bungim moa long 12 tim i kam long narapela ol provins tu long las 3 yia.

Jacklyn Kimala i raitim