OL Nesenel Soka Lig i bin askim long ekspresen ov interes (EOI) bilong frensais husat i laik stap long 2021 Man NSL soka sisen.

Presiden bilong PNGFA John Kapi Natto i tok ol gat 10 spes tasol bilong husat ol tim i laik pilai long 2021 Man NSL long salim EOI bilong ol pastaim long 28 Me 2021.

Em i tok dispela sisen skeduel bai stat long 17 Julai 2021 tasol dispela bai bihainim tok orait bilong COVID-19 Task Fos Kontrola opis. PNGFA  redi long wanem kain tok bai kam long opisa bilong Kontrola.

“Dispela em gutpela bilong ol frensais ona long rejista nau yet long plenim na redim tim bilong ol. Em i tok dispela olgeta samting bai go wantaim ol klap long bungim olgeta afiliasen rikwaimen.

“Ol klap i no gat onasip komplen i mas bung olsem kampani na jejista wantaim ol Invesmen Promosen Atoroti,” Kapi Natto i tok.

Em i tok ol klap gat fil bilong ol yet long soim ability bilong ol yet insait long tripela yia. Ol klap i mas bungim fainensal komitmen long taim bilong sisen,” Kapi Natto i tok.

Ol ekspresen ov interes non-rifanabol fi em K10,000 i ken putim go insait long NSL benk akaun. Benk akaun i stap long EOI fom. Olgeta klap i mas putim EOI benk resit wantaim dispela EOI fom taim ol salim.

Olgeta yia afiliasen fi em K80,000 na mas baim go inap 12 Julai bihain long statim kompetisen.

Sapos ol klap I feil long bungim taim bilong salim EOI bai ol aut long dro bilong kompetisen.”

Ekspresen-ov-interes fom stat long gaidlain em stap long NSL opis we PNG Futbal Stedium o email long (This email address is being protected from spambots. You need JavaScript enabled to view it.).

Long nau Presiden Natto i bin tok orait olsem PNG Futbal Asosiasen i salim leta long COVID-19 Task Fos Kontrola opis go olsem long Spot Faundesen Pandemik Menesmen Komiti long kisim fomal tok orait long statim ol futbal program.

Em i tok ol bai statim olgeta futbal program na ektiviti bihain long ol kisim fomal tok orait i kam long opis bilong Kontrola.

“PNGFA em redi long statim sisen wantaim Niuspela Pasin Covid-19 kontrol mesa long pilai graun wantaim ol pilaia, opisal na teknikol opisal.”