Bos  bilong Tottenham Jose Mourinho i tok sait bilong em “i gat hevi mi i no inap stretim mi yet” tasol i no bikpela bagarap bihain long lusim namba faiv sikis lig gem bilong ol long West Ham.

Dispela 2-1 tanim Tottenham long namba 9 ples, nain poin beksait long ol Hammers husat i stap long namba foa ples.

Michail Antonio na Jesse Lingard i bin skorim gol bilong ol pastaim long Lucas Moura i bin pulim wanpela bek.

“Mi no bin tok bagarap,” Mourinho i tok long taim ol i bin askim em long dispela hevi.”

“Mi bai tok i no gutpela ansa bilong gem. Dispela em ples klia. Mipela i lusim planti mets.”

Long Niuspepa ripot long Sande i bin tok long wok bilong Mourinho bai bagarap sapos tim bilong em i no winim gem long London Stedium.

Dispela tupela taim Sempian Lig wina i bin kisim nem no gut bihain long sampela pren na sapota i no bin amamas long gem tasol, askim Tottenham long sampela menesmen stail bilong em, Mourinho i bin bekim: “No gat. Ol kosa bilong mi wantaim ol wokmanmeri bilong mi em namba tu long wol.

“Mi ting longpela taim, mipela i gat hevi long tim olsem na mi bai no inap stretim mi yet olsem kosa.”

Dispela olpela Chelsea na Manchester Yunaitet menesa i bin tingting long winim dispela Yurop Lig em bai stretim tingting bilong Tottenham long neks sisen Sempian Lig.

“Long Yurop Lig mipela i kamap laip,” em i tok. “Ol opim sans rot bilong mipela. Mipela i ken go insait long Sempian Lig long Yuropa Lig.”