IS Sepik etlit Isila Apkup i soim bikpela fom long taim bilong Indoor trek kompetisen long USA Junia Koles Program.

Bihain long em i bin mekim gut long taim ova 60m na 200m long namba wan kompetisen bilong em.

Isila Apkup i gat 22 krismas na em i bilong Ambunti. Em i bin muvim gia long ran 400m insait long 56.94 seken long Mande. Tim meit bilong em Leonie Beu i ran long ausait lain i stap bek long namba wan 200m na i no inap pinisim lain wantaim Apkup tasol em i bin pinis long gutpela taim 57.85 seken.

Ephraim Lerkin tu i bin stap long fom bilong ran aninit long 1 minit 55 seken long 800m bilong dispela distens resis. Em i bihainim dispela wantaim1 minit 22 seken insait long wan wan 600m resis.

Emmanuel Wanga husat i bin kamap long tupela wik i go pinis i bin hitim graun ran na rekotim 6.98 seken long 60m na 49.59 long 400m. Long wankain 400m resis, Shadrick Tansi i bin kisim prais long kamap namba wan 200m na lusim long 50.95 seken.

Sempian bilong Tripel rana, Peniel Richard i bin statim 2021 kempen bilong em wantaim distens bilong 7.15 m na 15.31 sekens. Richard i bin kam bek long USA long Janueri las yia na joinim ol West Texas A&M program. Dispela program i bin bringim Rellie Kaputin i go antap moa.

Dispela 2020 sisen i bin rausim sampela etlit wantaim COVID-19 Richard i bin gat longpela taim na redi gut long 2021 sisen. Dispela etlit bilong Kansas  i gat tupela moa kompetisen long kalenda bilong ol bipo long Rijional Sempiansip long wiken bilong 20/21 Februeri na Indoor Nesenel Sempiansip i kamap long Mas 5 na 6.