PAPUA Niugini Olimpik Komiti (PNGOC) i bin bung wantaim ExxonMobil (EMPNG) long givim ol Olimpik Values Edukesen Program (OVEP) long 6-pela skul insait long Kikori Distrik bilong Galp Provins long 7 i go 12 Oktoba, 2020.

Dispela Olimpik Values Edukesen Program i bin kamap long givim gutpela sevis long ol lokal sumatin na divelopim kwaliti edukesen wantaim olgeta kain kain spot long PNG.

OVEP i promotim dispela Olimpik values bilong ekselens, prensip na rispek wantaim long helpim na surukim Olimpik spirit bilong spot long ol sevis bilong pipel na komyuniti.

“Dispela visen bilong Olimpik em long kamapim gutpela wol wantaim spot. Nambawan rot long kisim dispela visen em long promotim spot na Olimpik values long ol yangpela jeneresen bilong yumi.

“Taim yumi mekim olsem, PNGOC i lukim ol bikpela sevis we OVEP i givim long ol skul na komyuniti long olgeta hap bilong kantri. Mipela i amamas long EMPNG patnasip long las faivpela yia,” Jeneral Seketri bilong PNGOC Auvita Rapilla i tok.

Mis Rapila na memba bilong ol Intenesenel Olimpik Komiti (IOC) na Menesing Dairekta bilong EMPNG Andrew Barry i tok dispela em bikpela samting long lukim dispela kain program we i givim gutpela sevis long ol yangpela pipel bilong Kikori wantaim promosen bilong sponsasip, timwok na lidasip.

Dispela 6-pela skul i stap namel long PNG LNG Projek hap i save kisim sevis long dispela program em Kikori Sekenderi Skul, Kikori Praimeri Skul, Veuru Praimeri Skul, Kitomave SDA Praimeri Skul, Kopi Praimeri Skul na Aird Hills Praimeri Skul.