PNG Volibal Asosiesen Inc bai holim narapela gutpela Nesenel Sempiensip long dispela yia wantaim sapot bilong Benk Saut Pasifik (BSP).

BSP i bin presentim K50, 000 sek mani long asosiesen long sapotim Anda 21 Indo Nesenel Sempiensip na ol Nesenel Open Inddoor Sempiensip stat long Novemba 5 i go pinis long 10, 2020.

 Menesa bilong BSP Koperet Sponsasip Amelia Minnopu i bin presentim sek i go long Presiden bilong PNG Volibal Asosiesen Kila Dick na i bin tok,” dispela sapot bilong benk long ol spot em wanpela bilong ol planti kod we mipela i save sapotim long Nesenel mak.”

“Mipela i gat bilip olsem sapot bilong mipela bai i gat ol sans long senisim nupela talen na wokim rilesensip na kisim gutpela ful ansa insait long spot,” Minnopu i tok.

Presiden bilong PNG Volibal Asosiesen Kila Dick i to dispela em namba tu yia bilong BSP long sapotim PNG Volibal Asosiaesen long holim Nesenel Sempiensip na mipela i amamas long dispela bikpela sapot.” Mi amamas tru long BSP long kamap meja sponsa long dispela namba tu yia.

“Dispela mani bai helpim mipela long holim 2020 PNG Nesenel Volibal Sempiensip we bai i gat Open man na Wimen sempiensip na ol Anda 21 man na meri sempiensip.” Mista Dick i tok.

PNG Volibal em wanpela bilong ol 11 spot we i bin kisim tok orait long PNG Spot Faundesen long go het wantaim sisen gem bilong ol bihain long COVID-19 lokdaun. Mipela bai bihainim ol lo na protokol bilong COVID-19; olsem na asosiaesen i plen long holim dispela sempiensip gem long SJGIC o TAIC.

Long dispela sempiensip bai lukim 56 tim olgeta bilong olgeta hap bilong kantri olsem Wewak, Goroka, Lae na Butibam-Lae na Hula-Sentral Provins na Ianawabui-Sentral Provins, na Manus.namba bilong asosiesen insait long NCD em Vabukori volibal asosiesen, Volibal Fairfax, NCD Volibal Asosiesen, Kauka Volibal Asosiesen, Manubada Volibal Asosiesen, Fishermans Volibal Asosiesen, Poreporena Volibal Aasosiesen na Tatana Volibal Asosiaesen na Taikone tu bai pilai long sempiensip.