BIKNEM pilaia bilong tri-poin long tromoi fil gol, Stephen Curry i kamapim bikpela rekot long histori bilong Nesenel Basketbal Asosiesen (NBA) taim em i tromoi 3,000 tri-poin na kamap namba wan pilaia long kamapim dispela rekot.

Long las tupela wik i go pinis, Stephen i bin abrusim rekot bilong Roy Allen long tromoi tri-poin long ring. Em i bin winim tu MVP awot tupela taim. Em i gat rekot bilong tromoi 3-poin long olgeta gem em i pilai long en. Em i gat tupela rekot long tromoi 3-poin insait long 157 gem. Tasol tim bilong em Golden State Warriors i lus long Denver Nuggets 8986 long Tunde nait. Moa long gem bilong dispela nait, Los Angeles Lakers i winim Houston Rockets 132123 long Tunde nait taim LeBron James wantaim wanpilaia bilong em Russell Westbrook i tromoi tripela dabol long kisim tim bilong ol i go antap long basketbal resis bilong 2021-22 sisen. James i skorim 32 poin, na i kisim 11-pela ribaun na i kamapim 11-pela asist. Wan pilaia bilong em Westbrook i skorim 24 poin na i kisim 12 ribaun na i kamapim 10-pela asist. James i kamap namba tri pilaia long kisim 36,000 poin long histori bilong basketbal gem em i pilai long en. Na em i yangpela pilaia long kamapim dispela rekot.