GAVMAN bilong United States (US) i tok em i tingting long diplomatic boycott bilong Beijing Olympics, Presiden Joe Biden i tok.

  Dispela pasin i bilong soim Saina olsem em i no amamas long human raits rekot bilong Saina na pasin Saina i mekim long kilim ol liklik lain Muslim insait long kantri. • Gavman bilong Presiden Biden i wari long ol human raits abius egensim ol Muslim long Xinjiang provins. • Diplomatic boycott e mi olsem – bai i no gat wanpela mausman bilong gavman bilong US i stap long seremoni bilong opim Beijing Winter Olympics. • Nancy Pelosi i tok bai ol i no gat bilip long ol dispela wol lida husat i go stap long seremoni bilong opim Winter Olympic Games. Mista Biden i tok ol i wok long skelim yet dispela tingting. Mining bilong diplomatic boycott em i olsem – bai i no gat wanpela man o meri i makim gavman bilong US long taim bilong opim Beijing Winter Olympics long mun Februeri 2022. Sapos US i gohet long dispela disisen, bai i hatim tru bel bilong Presiden Xi Jinping bilong Saina bikos long las wik tasol tupela i bin pasim tok long traim stretim bikpela hevi i stap namel long US na Saina.

Ol ektivis na memba bilong tupela politikal pati wantaim long US i wok long toktok strong long gavman bilong Presiden Biden i mas mekim diplomatic boycott long dispela Olympic Games. “Bai mipela i larim Presiden yet i skelim na tokaut long disisen bilong em.” Ripot i tok planti ol lain i wanbel long stopim gavman bilong US long go long Winter Olympics long Beijing. Long mun Oktoba sampela seneta i laik mekim senis long difens bil we bai stopim US Stet Dipatmen long spendim mani bilong gavman long salim ol wokman bilong gavman long go long Winter Olympics.