NEW DELHI Olimpik tim bilong India i bai mas kisim ful veksinesen long Julai pastaim long ol i go long Tokyo Gems,” spot opisa bilong kantri, Narinder Batra, i bin tokim AFP.

India bai salim ol 200 etlit, kosa na sapot wokman na meri long Tokyo Gems. Tokyo Olimpik Gems bai stat long Julai 23 i go inap Ogas 8, 2021.

“Mipela i bin askim olgeta nesenel spot federesen i mas tokim ol etlit bilong ol long kisim veksinesen maski ol IOC (Intenesenel Olimpik Komiti) i tok e mi laik bilong wan wan,” Presiden bilong India Olimpik Asosiesen i tok.’

“Tasol mipela i laikim olgeta etlit bilong mipela i stap seif na ol tu bai seif long ol arapela pilaia.”

Batra i tok hap bilong ol populesen i bin kisim veksinesen pinis na ol arapela hap i bin kisim ful veksinesen.

“Olsem na long namba wan wik bilong Julai, olgeta etlit na opisal i mas kisim tupela veksinesen wantaim,” em i tok.