PAPUA Niugini hapbek Watson Boas i bin go long United Kingdom long las wiken long joinim ol Inglan namba tri tier klap Doncaster long bungim Betfred Lig One sisen.

Boas i gat 26 krismas na em sapot long joinim Doncaster long stat bilong dispela yia long pinisim tupela yia kontrak bilong em tasol wantaim dispela COVID-19 i bin surukim trevol taim bilong em, olsem na em bin joinim SP Hunters bihainim agrimen namel long het kosa Mathew Church na Doncaster sif ekseketiv Carl Hall.

Boas i bin pilai las mets bilong em wantaim ol Bears long Kokoda Kap 18-25 raun-faiv Kwinslan Intras Super Kap na lus long Pizzey Pak.

Pilaimeka bilong ol Kumuls Boas i tok em luk fowat long joinim gen klap na ol tim meit bilong em long sisen wantaim Doncaster na lukim long neks yia.

Church i tok Boas stap wantaim Hunters skwat bin bikpela ekspriens long tim na ol yangpela hapbek pilaia bikos Watson bringim welt bilong ekspriens na kompetitiv netsa we i lainim ol yanpela hapbek.

“Mipela i tok gud lak sisen bilong em bai kamap na tenkyu long Doncaster long mekim dispela kamap,” Church i tok.

Sif Ekseketiv Opisa bilong Doncaster Carl Hall i tok: “Mipela i tingim gutpela bilong Watson long kisim sampela ragbi lig aninit long belt bihain long em go daun long Dons.”

“Dispela mekim em long tren na pilai strong na redi long sisen bai stat long Me na mipela i luk fowat long welkamim em bek long grup.”

Hall i tok tenkyu long SP Hunters menesmen na bikpela tru long kosa Matt Church husat i save sapotim em long trening.

Rilesensip namel long tupela klap em strongpela na i ken sapotim ol yet,” Hall i tok.