Leicester City i bin go long namba wan FA Cup semi-fainel long 39 yia wantaim ful win na daunim ol Manchester Yunaitet long King Power Stedium.

Long sait bilong Brendan Rodger bai lukim ol Southampton long Wembley wantaim Chelsea na Manchester bung long narapela semi-fainel.

Leicester husat i bin lus long ol wina Tottenham long 1982 semi-fainel, em ol i gat gutpela tim long salensim ol off-colour Yunaitet olsem menesa Ole Gunnar Solskjaer wanpela taim gen na lus long lata steg bilong kap kompetisen, em i soim long Bruni Fernandes na Luke Shaw tupela i bin feil long givim gutpela ansa.

Ol hiro bilong Foxe i stap long fom bilong straika Kelechi Iheanacho husat i bin straikim bal tupela taim na nau i skorim 9-pela gol insait long nainepla gem bilong em.

Em i bin kisim gutpela bakpas bilong Fred long raunim Dean Henderson long skoa long 24 minit bihain long hap taim.

Mason Greenwood i bin kisim krawn bilong strongpela Yunaitet muv lonf balensim pastaim long hap taim tasol Youri Tielemans i bin pulapim narapela gol gen bilong Leicester City long go pas wantaim gutpela kik seven minit bihain long malolo na Iheanacho i bin kisim narapela sans gen long makim fri kik long apim skoa bilong Leicester namba tri gol bihain long ful taim.