Long 11 Februeri, Pop Francis i tokaut long Blessed Maria Antonia bilong St Joseph de Pazy Figueroa, i kamap wanpela santu bilong Katolik Sios. Em i namba wan meri Santu bilong kantri Argentina.

Piksa bilong Santu Maria Antonia bilong Argentina. POTO: Vatican Media.

Kantri Argentina i gat namba wan meri santu nau. Long Sande 11 Februeri, Pop Francis i tokaut long Blessed Maria Antonia bilong St Jospeh de Pazy Figueroa, i kamap wanpela santu bilong Katolik Sios.

Planti ol bilipmanmeri bilong Argentina i bin go long Rom long stap long bikpela lotu we Pop Francis i tokaut long dispela nupela santu bilong sios.

Pope Francis i tok Blessed María Antonia bilong St. Joseph de Paz y Figueroa, em ol pipel i save kolim “Mama Antula,” i wanpela eksampel bilong wokmeri husat i save soim laikim pasin na helpim ol tarangu manmeri.

Em i tok eksampel na laip bilong dispela santu em i impoten long yumi ol pipel bilong tude ‘we mi pasin, i olsem wanpela sik na i no isi long rausim. Em i olsem wanpela vairus i save trikim yumi. Em i mekim yumi bilip olgeta samting i mas bihainim laik bilong yumi,” Pop Francis it ok. Em i kisim hap toktok long pas bilong em Fratelli Tutti.

Mama i bin karim Maria Antonia long yia 1730 long Silipica, Santiago del Estero, long noten Argentina. Long taim e mi liklik yet, em i bin gat laik long sebim God. Em i save helpim papamama long skulim ol pikinini na lukautim ol sikmanmeri na ol tarangu lain. 

Pope Francis i bungim ol pilgrim bilong Argentina long  9 Februeri, bipo long mekim i mekim Blessed maria Antonia i kamap wanpela santu long Sande, 11 Februeri. POTO: Vatican Media.

Long taim bilong King Charles III, em i bin putim tambu long ol lain Jesuits i mekim wok bilong ol long ol koloni bilong Spain. Na Maria Antonia i save wokabaut raun long ol ples na autim Gutnius bilong Jisas i go long ol pipel.  

Pop Francis i tok dispela wok i no bin isi bikos “ol pipel i no laik harim toktok bilong Krais, na ol i no wanbel long wok bilong ol Jesuit.”

“Ol i tambuim em long givim ritrit tasol em i save hait na mekim. Yumi no ken lusim ting long dispela pasin bilong hait na mekim wok bilong Bikpela,” Pope Francis i tok.

Pop Francis i tokim ol pilgrim olsem “ol i no ken givap long taim bilong traim na bringim Gospel i go long olgeta manmeri maski sapos planti salens i kamap.”

María Antonia em i wanpela gutpela eksampel bilong skelim gut tingting. Em i no putim sekyuriti long han bilong en yet, tasol long God, bikos em i bilip dispela wok em i mekim i wok bilong God,” Pop i tok.  

Pope Francis i bungim ol pilgrim bilong Argentina long 9 Februeri. POTO: Vatican Media.

Long dispela rot “em i luksave long plen bilong God long yumi wan wan, bai yumi harim singaut bilong em long laip bilong yumi....na bai olgeta samting yumi mekim em i bilong givim glori long God na sevim sol bilong ol manmeri.”

“Rot bilong stap holi i mas soim bilip na givim laip bilong yu,” Santu Papa i tok.  

“Long taim yumi pas strong long Bikpela, bai yumi inap salensim ol samting na amamas long autim Gutnius,” em i tok.

Pop Francis i go pas long lotu long St. Peter’s Basilica long Sande, 11 Februeri. Presiden Javier Milei bilong Argentina i bin stap tu long dispela lotu.

 Long Mande 12Februeri, Presiden Milei i bin gat wanpela praivet bung wantaim Pop Francis long Vatican.  - ABC.

PINIS.