Long planti skul long Nesenel Kepital Distrik ol sumatin na tisa i bin bung na lotu na bihain ol i bin amamasim dispela spesel de bilong tisa long ol Katolik sios wantaim ol kain kain ektiviti.

LONG dispela wik Mande 15 Me, ol Katolik skul long Papua Niugini i amamasim de bilong ol Katolik tisa.

Long planti skul long Nesenel Kepital Distrik ol studen na tisa i bin bung na lotu na bihain ol i bin amamasim dispela spesel de wantaim ol kain kain ektiviti. I bin gat spot, drama, musik, kwis na ol arapela ektiviti bilong makim dispela de.

I gat ol posta i tokaut long astingting bilong Katolik Edukesen. Sampela skul i putim posta long opis bilong ol tisa long ritim na klia long wok bilong ol.
Ol Katolik skul o koles em rot Katolik komyuniti i yusim long givim ol studen akedemik, vokesenel na relijes edukesen.

Long ol Katolik Early Childhood Learning Centre, Elementary, Primary, Vocational Centre, High na Seceondary School, ol papamama i helpim ol pikinini long ful integral human development. Ol i mas save long bilip, na wok bilong Krais long sevim na kisim bek yumi na soim dispela bilip long komyuniti lotu na pasin bilong yumi.

Long ol Katolik Tisa Koles, Katolik komyuniti i mas lukim olsem ol tisa i kisim gutpela save na i kwalifai long inapim misin bilong Katolik Skul long pasin bilong ful integral human development.

PINIS.