BEREINA Daiosis long Sentral Provins nau i gat wanpela nupela pater.

Dispela pater em Gerard Miria bilong Waima viles long Waima peris.

Bisop Otto Serpary bilong Bereina i odenim em long las wik Sarere long Waima.

Arere long famili, em planti ol arapela lain i kamap long lukim odinesen.

Het tok bilong lotu em “Yu salim mi go,” Aisaia 6:8.

Bisop Otto i givim skul bihainim Gutnius bilong Santu Luk 5:1-11 “….Yu no ken pret. Nau yu wok long kisim pis, tasol bihain bai yu wok long kisim ol manmeri i kam long mi.”

Long skul bilong em, Bisop Otto i tok i tok em i kisim gutpela skul pinis na nau em i strong long go aut na mekim wok.

Em i tokim tokim Pater Gerard olsem em i mas: “Tis long wanem samting em i rit, rit long wanem samting em i bilip na bilip long wanem tok em i tis.”

Bisop Otto i tokim em olsem em i no inap long gat samting bilong ol yet, em i mas harim tok bilong Bisop bilong em na em i no ken marit.