Wanpela trening program bilong ol helt woka insait long kantri bin kamap long Mosbi we i lukim moa long 80 manmeri kamap long stap insait long en.

Grup poto bilong ol lain i kisim trening. POTO: Supplied.

SAMTING olsem 80 nes long ol skul bilong nes na ol komyuniti helt skul long kantri i bin bung long wanpela trening program bilong ol long Pot Mosbi.

Nesenel Dipatmen bilong Helt na Dipatmen bilong Haia Edukesen Saiens na Teknoloji, WHO Colaborating Centre (WHO CCT) bilong nesing na midwifery na divelopmen na gavman bilong Australia i bin bung wantaim long kamapim dispela trening bilong ol helt tisa.

Dairekta bilong WHO CCT, Profesa Michelle Ramsey i tok dispela em i hap bilong karikulum bilong Diploma of General Nursing na Cerificate bilong ol Komyuniti Helt Woka (CHW) long kantri.

Astingting bilong dispela program em long strongim 72 pesen bilong ol helt wokfos long Papua Niugini.

Dispela projek i bin stat long 2021 na Nesenel Dipatmen bilong Helt i lukautim wantaim mani sapot i kam long gavman bilong Australia aninit long WHO CCT University of Technology, Sydney (UTS).

Ol lain i kam long 15 nesing skul na 17 CHW skul long dispela trening i go insait long Continuing Professional Development Program (CPDP) we bai givim trening na ol skil long ol helt tisa we ol i ken skulim nupela karikulum na divelopim ol karikulum long bihain taim.

PINIS.

Tupela bilong ol helt woka husat i kamap long trening. POTO: Supplied.