LONG Krismas na Nu yia em i taim we bikpela selebresen i save kamap. Krismas em i taim we mipela i luksave long bonde bilong Jisas Krais.

Na long nu yia em i taim we nupela yia em i save kamap. Dispela kain pasin bilong selebresen i bin kamap long Isten Hailans, maski sapos sik coronavirus (COVID-19) na Delta variant em i bin kamap strong tru long provins na i daunim planti manmeri na sampela pikinini tu. Tasol COVID-19 na Delta variant i no stopim ol skul pikinini bilong Australian International School (AIS) na ol tisa bilong ol long Goroka husat i bin pulim lain na i go long Goroka Provinsal Haus sik wantaim ol presen long givim long ol pikinini. Mausman bilong AIS, Sam Karara i tok dispela ol skul pikinini i kamap wantaim dispela tingting, long wanem, ol i laik helpim na givim ol presen long ol pikinini husat i sik na i stap long haus sik.

Sape Metta i raitim