Physiotherapy Dipatmen long Port Moresby General Hospital (POMGEN) i kisim sampela ikwpmen long program Smile for All in the World Program aninit long Japan International Cooperation Agency (JICA).

Wok meri bilong Smile for All Priscilla Kavana i tok, “Taim ol ogenaisesen husat i no save wok long kisim mani tasol ol i save helpim ol pipel i askim long helpim, Japan i

save kam long helpim hariap tru. Dispela askim i bin kam long POMGEN long Smile for All in the World na ol wan wan manmeri long Japan i givim ol disela ikwpmen long helpim ol sik manmeri na pikinini. “Em i namba wan taim POMGEN i kisim ol dispela samting long Smile for All in the World program. Long wankain program mipela i givim ol wilsia long Popondeta na Alotau Haus Sik,” Mis Kavana i tok. Ol i givim ol samting olsem jim bal, stik

bilong wokabaut, na skel bilong skelim hevi. Namba tu meri husat i go pas long physiotherapy dipatmen long POMGEN i  tok amamas na tenkyu i go long JICA long helpim. Mipela i gat planti sik manmeri husat i kisim strok na ol i nidim ol kain samting long helpim ol. Ol jim bal bai i helpim long mekim planti samting olsem ol liklik pikinini husat i gat TB bai na hat long raun bai yusim long pilai na amamas. Na tu em ba helpim long stretim ol manmeri husat i no stebel na i sik.

Samantha Solomon i raitim