NAMBA 66 greduesen bilong University of Papua New Guinea (UPNG) bai I kamap long Julai 26 i go inap long Julai 30.

Bihainim ol mesa bilong COVID-19 dispela seremoni bai kisim 5-pela de olgeta na bai i kamap long Sir John Guise Stedium long Nesenel Kepitol Distrik.

Olgeta 5-pela skul i bai i gat greduesen long wan wan de. Ol de bilong greduesen em olsem; long Mande Julai 26, Skul bilong Bisnis, long Tunde Julai 27, Skul bilong Humanitis na Sosel Saiens, long Julai 28, Skul bilong Lo, long Julai 29, Skul bilong Marasin na Helt Saiens na long Julai 30, Skul bilong Netserel na Fisikel Saiens.

Dispela toksave i kam aut bihain long wanpela kaunsel miting namel long ol lida na het manmeri bilong UPNG.

Ol sumatin husat bai greduet i mas peim K250 greduesen fi bilong ol. Bipo ol i save peim K600. Ol bai bihainim olgeta protokol bilong COVID-19 long taim bilong greduesen.

Samantha Solomon i raitim