Taim Philip Solomon i go long klasrum lo namaba wan taim long 2018 ol sumatin i bin painim hat tru long rit na rait. Dispela i mekim Mista Solomon long helpim ol sumatin.

Philip em i wanpela elemnetri tisa long Ruatoka Elementri Skul long Rigo, Sentral Provins. Em bin kamap tisa taim ol lain bilong em long ples i salim em i go long skul bilong kamap Elementri Tisa long PNG Education Institute long 2003.

Em i bin kisim trening long 3-pela yia. Ruatoka em i wanpela bikpela elamentri skul long Rigo wantaim 8-pela tisa na 189 sumatin.

Ol tisa i save skulim ol pikinini wantaim standet bes karikulum wantaim ol tok ples olsem Sinagor, Motu, Tok Pisin na English.

Long Janueri 2018 ol i bin makim Ruatoka long wok wantaim Together for Education (T4E) projek wantaim sapot bilong Papua Niugini-Australia Patnasip.

Philip em i wanpela bilong ol 40 tisa long 26 skul insait long Rigo Distrik husat i bin go long trening long 2018.

Child Fund Projek Kodineta Dulcie Wefin i tok, “ Philip em i wanpela man husat i bin wok gut tru long dispela trening.”

“Ol presentesen em wokim i bin kamap namaba wan we em i mekim wei bilong em long go antap long narapela level bilong tisa,” Dulcie i tok.

Em bin tren tu long yusim ol samting bilong Peer Observation na ples bilong ol tisa long lainim samting. Dispela i bilong helpim ol tisa long mekim gut ol hap we ol i no save wokim gut long en.

Tisa husat i go pas long Ruatoka Elementri skul Belline Kila i tok, “namba wan samting em ol sumatin i save painim hat tru long rit.”

Belline i tok ol i laikim ol sumatin i mas lainim ol ponik saun na gat planti buk samting bilong rit na ol tisa i mas lainim ol pikinini long rit.

“Philip i bin bungim ol papamama bilong ol sumatin na dispela toktok tu i kamap long ol pikinini i gat bikpela nid long lainim na save long rit,” Belline i tok.

Bihain long ol dispela em i  kamapim tingting long toktok wantaim olwokmanmeri bilong skul na ol sumatin long taim ol i bung long wok wantaim long helpim ol sumatin long rit.

Wanpela meri tisa Barbara James i kamap namaba wan long dispela wok Philip i mekim.“Mi bin laikim tru long lainim ponik saun taim Philip i lainim mipela.

Me save go sanap ausait long kalsrum bilong en long harim hau em i lainim ol sumatin, Barbara i tok.

Barbara tu i bin go long trening na em i bin helpim em long lainim ol sematin moa.

“Long taim mi harim Philip i lainim ol sumatin long ponik nau mi tu ken lainim ol sumatin bilong mi,” Barbara i tok.

Wantaim wokbung bilong ol tisa riting i kamap namaba wan samting long dispela skul.

Philip i bin kisim het tisa wok long Makerupu Elementri Skul taim em i bin mekim gut wok bilong em olsem wanpela tisa long 2019.

Long yia 2020 ol i askim em long helpim ol tisa olsem wanpela menta long Rigo Distrik.

Philip i save wok wantaim Central Provincial Elementary Coordinator na ol risos tisa long Launakalana long helpim ol tisa long ol wanem samting ol bai lainim ol sumatin.

Philip i tok, “Ol sumatin bilong en i stap long elementri tasol wanepla i ken rit ol isi samting long Inglis.”

Dispela em wanem mi laikim long en, Philip i tok.

Philip em i trenim ol tisa long ol wei bilong lainim ol pikinini bai ol i isi long lainim samting.

T4E em i laikim helpim ol sumatin taim ol i liklik yet na ol i ken lain long rit insait long Sentral, Morobe na Madeng provins.

Dispela projek i kamap wantaim helpim bilong Nesenel Dipatment bilong Edukesen, Provinsel Edukesen Divisen, Sios Edukesen na ol skul na komyuniti we projek i kamap long en.

UPNG Sumatin Samantha Solomon i raitim