ExxonMoibil PNG (EMPNG) i bin mekim donesen bilong 40 nupela laptop long University of Papua Niugini (UPNG) Skul bilong Bisnis na Pablik Polisi (SBPP) long apim skil bilong ol sumatin wantaim nupela teknoloji.

Ol sumatin bilong UPNG i bin askim long dispela ol nupela kompyuta bikos long COVID-19 long helpim ol long e-learning sistem, olsem na dispela bai pilai bikpela hap wok long mekim ol SBPP sumatin long wok bung wantaim ol UPNG na narapela profesa na leksera.

Dispela taim bilong COVID-19 i bin mekim ol sumatin painim hat tru long skul yusim e-learning sistem bikos dispela sistem i nidim nupela kompyuta we dispela i ken helpim ol long save na wok klostu wantaim ol UPNG na arapela profesa na leksera.

Dokta Lawrence Sause, Deputi Ekseketiv Din long Risos na Plening long SBPP i bin tok tenkyu long EMPNG long sapotim ol sumatin wantaim 40-pela nupela laptop.

“Dispela ol nupela laptop bai helpim long mekim infomesen teknoloji lab bilong mipela i kamap wanpela nupela long kempus. Dispela donesen em bikpela, i no bilong skul na lainim sapot bilong ikonomiks, bisnis na data analitik sumatin, tasol em bilong yusim long stetistikol software,” em i tok.

Ol SBPP infomesen teknoloji lab i bin op long 2018 wantaim sapot bilong dona olsem EMPNG. Dispela lab i bin soim bikpela senis wantaim ol sumatin na leksera wantaim insait long yunivesiti long yusim ol samting.

Pablik Polisi na Isu Menesa long EMPNG Sam Koyama i tok dispela kampani i givim taim bilong en long helpim ol sumatin long kisim gutpela edukesen yusim ol laptop long lainim gut samting ol nidim long pinisim stadi bilong ol.

“Wokfos bilong mipela i gat ol greduet bilong UPNG na arapela institusen insait long PNG, olsem University of Technology na Kumul Academy.”

“Inves long edukesen kain olsem em namba wan wok bilong ExxonMobil PNG long helpim na draivim akedemik ansa, bikos edukesen em ki bilong ikonomik empawamen,” em i tok.

Moa long Haia Edukesen, EMPNG i sapotim long strongim trening bilong praimeri na sekenderi edukesen. Dispela em olsem fisikel infrastraksa na inteleksuel na profesenel kepasiti long wokim fekalti na edministretiv wokman na meri.