DIVINE WORD UNIVESITY (DWU) i bin tingim na selebretim namba 24 Faundesen De na Alumnai De bilong ol long las wik long Madang kempes.

Dispela selebresen bilong ol i bin tokaut long ol bikpela “2020 DWU Alumnai bilong Yia Awot”.

Biknem Nius Ripota Mista Neville Jon Choi i bin kisim Awot aninit long “Achievement” long go pas long wok bilong em olsem Nius Ripota na midia profesenel insait long PNG Midia indastri inap 24 yia nau.

Namba tu wina em leit Dokta Anastasia Sai, husat i bin winim Awot aninit long “Sapot” bilong Yunivesiti grup long givim moa sevis long DWU.

Mista Choi i no bin kamap long dispela selebresen bikos long COVID-19 lokdaun na i bin toktok wantaim Komyuniti bilong DWU na kisim dispela Awot.

Ol olpela wan wok bilong em long EMTV, Deborah Pranis, husat i nau kamap tuta long DWU na narapela alumnai, i bin kisim Awot makim Mista Choi na Awot bilong Dokta Sai em bikpela brata bilong Mista Kaseng Kong i bin kisim.

Poroman bilong DWU long longpela taim na longpela seving DWU Kaunsil memba Sia Peter Barter i bin givim ol Awot.

Olgeta i bin amamas wantaim long lukautim na strongim dispela spirit bilong DWU i mas stap.