MINISTA bilong Komyunikesen na Infomesen Teknoloji na memba bilong Saut Bogenvil Timothy Masiu i givim K20,000 long Langku Praimari Skul long Buin, Saut Bogenvil.

Dispela mani bai helpim skul long pinisim elementri klasrum, liklik haus sik na haus bilong ol tisa.

Skul bod wantaim ol tisa na ol sumatin i bin amamas tru long long bikpela helpim memba bilong ol i givim.

Mista Masiu i  mekm awenes tu long dispela sik nogut COVID-19  we i wok long kamap insait long PNG na long wol.

Em i tokim ol pipel bilong em long lukautim ol gut bikos ol i serim boda wantaim Solomon Ailan.

Em i bin toktok moa tu long impotens bilong Komyunikesen na long wok em i bin mekim wantaim NBC stesin long ol narapela provins.

Em i tok komyunikesen em i impoten samting tru long salim ol toktok long olgeta ples.

Carolyne Ketsimur i raitim