WOMEN’s Micro Bank (WMB) i mekim gutpela wok long helpim ol meri na ol famili bilong ol long sevim mani long isi rot.

Wantaim ol nupela sevings prodak bilong ol, WMB i lukluk long kamapim ol rot bilong sevim mani we i inapim ol nid bilong ol kastoma bilong ol. Sif Ekseketiv Opisa, Gunanihi Das i tok WMB i senisim ol sevings prodak bilong en long inapim ol nupela prodak we i stap. Wanpela bilong ol dispela nupela prodak em “Demand Driven Savings Product”. Mista Das i tok seivim mani em namba wan samting ol pipel i mas mekim

taim ol i gat mani. “Hia long WMB, mipela i laikim ol kastoma long lainim pasin bilong sevim mani na investim long ol prodak bilong WMB. Taim yu mekim olsem bai yu gutpela intres long en,” Mista Das i tok. Narapela invesmen seving prodak we WMB i gat em Grin na Pink Pasbuk. Dispela em tupela kain pasbuk we WMB i yusim. Wanpela em tredisinel akaun na narapela em invesmen seving akaun. “Mipela i mekim pink pasbuk wantaim helpim bilong ol patna bilong mipela. Dispela akaun em bilong famili na i no mama tasol,”

Mista Das  i tok ol famili memba bai onim wanpela pasbuk tasol na patna bilong mipela bai trenim ol hau long mekim mani, mekim bisnis na sevim mani bilong ol i go long dispela seving akaun. Em i tok moa olsem WMB wantaim sapot bilong ol patna bilong en i save givim fainensal litresi trening long ol famili na sapotim ol long divelopim pasin bilong sevim mani. Grin pasbuk em tredisinel akaun na em bilong mekim bisnis. Ol kastoma i laik mekim bisnis wantaim WMB i ken yusim grin pasbuk bilong ol long mekim bisnis.