KINA Bank i wokbung wantaim Ilimo Dairy long paitim “Child undernutrition” o hevi bilong ol pikinini i no kisim inap rait kaikai long bodi bilong ol. Tupela i launsim nupela “Milk in school” program las wik.

Dispela program bai lukluk long saplaim ol Ilimo milk (susu bilong bulmakau) long ol sumatin long Nonu Praimeri Skul long Boroko. Nonu em namba wan skul long patisipet long dispela

program. Wantaim K100, 000 we Kina Bank i givim long Ilimo Diary, ol sumatin long Nonu Praimeri skul bai kisim milk long olgeta de long strongim nutrisen na helt bilong ol. Ilimo Dairy Farm i save mekim gutpela fres  milk we i gat ol gutpela benefit bilong en. Ol wok manmeri bilong Ilimo Diary bai givim skul o toktok long rot bilong kaikai gutpela kaikai na stap helti. Kina Bank i komitim em yet

long strongim gro bilong ol pipel long PNG na i mekim gut long ol komyuniti em i sevim. Wantaim dispela patnasip bilong em wantaim Ilimo Dairy, Kina i sapotim namba wan nutrisen we bai givim ol sumatin vaitamin, mineral na protin. Ol tisa bilong Nonu Praimeri skul i tok tenkyu tru long dispela na skul prinsipal i sanim program wantaim CEO bilong Kina Bank, Greg Pawson na Innovative Agro Indastri Bisnis Divelopmen Menesa, Gallit Tamir.

Carolyne Ketsimur i raitim