EMBESEDA bilong European Union (EU) long PNG, Jernej Videtic i toktok wantaim Minista bilong Maining, Johnson Tuke long mekim rifom long maining sekta long Papua Niugini.

Embeseda Videtic i tok long sampela samting mainig sekta bilong PNG inap long mekim na wok bung wantaim EU na bai maining sekta i ran gut.

EU i lukluk long mekim ol ikonomi i kamap gut na mekim ol pipel i amamas. Minista Tuke i tok amamas long wok wantaim EU na tu, em i tok maining sekta bilong PNG i save gat ol salens tu i stap. Ol salens olsem ol gutpela polisi i save mekim na no gat luksave long ol salens insait long indastri. Minista Tuke i tok moa olsem

nesenel gavman i save long wanem main i save mekim long bagarapim ol envairomen na laip bilong ol pipel husat i save stap klostu long ol main. “Mipela i tokim ol kampani husat i ranim ol main long ol i mas painim ol rot long no ken mekim planti bagarap long envairomen,” Mista Tuke it ok. Embeseda Videtic i tokaut

tu long plen bilong EU long sapotim PNG long ol program olsem klaimet senis. Dispela ol toktok bai kamap long EU-PNG Divelopmen Patnasip we ol bai toktok moa long ol diwai na klaimet senis. Embeseda Videtic i invaitim Minista Tuke long go stap long dispela EU-PNG Bisnis Konprens long mun Oktoba long Pot Mosbi.