WANPELA tingting bilong bildim lokol benk bilong em yet insait long kantri i kamap onlain na ol SME i bungim mani
nau i kamap olsem K15 milien pinis.

PNG SMEs Nationwide Crowdfunding Movement Online Projek tim lida
Samson Komati tok klia olsem moa mani i wok long i kam olgeta de. “Planti laikim wok long kam
long ‘Think Tank’ grup long ol wan wan pipel, ol PNG SME na ol narapela bisnis i kam insait olgeta de. “Mipela i
bungim klostu long K15 milien nau na wok bilong bungim mani i go het yet na mak bilong mani ol wan wan pipel i
givim i olsem K2, 000 nau i bung wantaim ol SME i givim i kamap olsem K20 milien. “Muvmen bilong mipela i bilong
mekim gavman long stop long
salim Westpac Benk i go long Kina benk olsem na olgeta PNG SME na bisnis wantaim lenona bai kisim Westpac na
onim benk wantaim astingting bilong liklik dinau mani na gutpela sevis long ol SME na ol pipel nogat mani long
benk. “Nau yet moa long 900 pipel na SME grup i givim K100, 000 na moa. Sampela givim K100, 000 na sampela
K500, 000 wan wan na planti K10, 000 na K50, 000,”
Komati i tok. Ol komiti memba em 12-pela lain husat i gat wok ekspiriens bilong 20 yia long dispela wok. Ol i bung
wantaim Benk bilong PNG menesmen na i redim benk laisensing aplikesen. Dispela i kamap long taim ol i bung
wantaim sekyuriti komisin bilong PNG menesmen las wik. “Husat i gat strongpela tingting long helpim
Crowdfunding on lain insait long kantri mas salim
email, WhatsApp o salim tex na bai mipela i rejisterim yu wantaim ol namba wan 2,000 ol memba. “Spesel rait na
kondisen bilong ol 2,000 memba bai nupela CEO i stat long mekim benking lo long sampela wik bihain. “Inap long
toktok tumas na yumi stat mekim wok nau na kamapim dispela nupela SME benking muvmen i kamap lo long PNG
long helpim na kisim bek PNG,” Komati i tok.

Joseph Dawai i raitim