Emmanuel em i wanpela yangpela man bilong Ialibu, Sauten Hailans Provins husat i stap nau long Gerehu.

Em i bin misim sans bilong em long go skul long Pasifik Adventis Koles long 2019 taim papa bilong em i kisim hevi long wok ples na i no inap wok moa long sapotim em.

Emmanuel i tok, “Taim papa i dai mi bin wari tru tasol mi no givap.”

Em i laki wantaim wanpela pren bilong em Titus na tupela i kirapim liklik teksi SME bilong tupela wantaim wanpela liklik kar.

Em i save draiv namel long sikis klok moning na pinis long 10 klok long nait long Gerehu tasol long Sande i go inap Fraide. Sarere em i save malolo.

Wanpela samting ol kastoma bai i lukim kwiktaim em teksi bilong Emmanuel em i klin tru.

Emmanuel i hop olsem dispela teksi bai i helpim em long go bek long skul long neks yia.

Dispela yia em i luk fowot long kisim moa kastoma. Ringim em long 70033173 o 78555724 sapos yu nidim teksi sevis long Gerehu.

BUNGIM Emmanuel Kumbi.