United Nations Development Programme (UNDP) long Papua Niugini  i patna wantaim Climate Change and Development Authority (CCDA) na bai stap yet long mekim nesenel klaimet wok long ol rimot ailan.

Dispela Building Resilience long Climate Change (BRCC) tim i lukim ol mak ailan na atol insait long Atonomus Rijon bilong Bogenvil (ARB) na sekim wanem ailan i klostu taim solwara bai daunim bikos long klaimet senis.

Long dispela 30 de raun antap long solwara long Janueri, BRCC i tingting long bungim wantaim Nuguria, Tasman na ol Mortlock ailan grup, notis bilong Bogenvil na Tinputz ailan long ol i mas go long bikples. Dispela em long wanem klaimet senis i mekim na solwara i wok long kam antap na karamapim ol liklik ailan.

AROB Edministresen i mekim liklik wok na toksave long ol atoriti husat i bai go pas long stretim dispela hevi bilong klaimet senis.

Representitiv bilong UNDP Mista Dirk Wagener i tok ol i mekim dispela wok long toksave long husat ol lain i save go pas long ol kamapim hevi bilong klaimet senis olsem senis bilong klaimet i wok long afektim komyuniti stap. Dispela wok em risal bilong UNDP i wok long sapotim na helpim komyuniti long hau long mekim sampela senis na stap gut.

Kam inap nau BRCC tim i mekim wok long Morobe, Is Nu Briten na Manus provins na lukim 12-pela ailan na ol atol. Ol i go long planti ol komyuniti na mekim wok na lukim olsem namba bilong man, meri na pikinini i go antap long 500 we ol i kisim bagarap long klaimet senis na solwara i kam antap long ples bilong ol.

BRCC tim i askim ol arapela ol dipatmen long lukluk, sapot na helpim long dispela hevi. Ol i mekim trening long Buka Taun long AROB wantaim gavman atoriti.

UPNG Jenelis Sumatin Martina Takaneng i raitim