HEVI bilong graun i pasim wok bilong K2 bilien PNG-China egrikalsa projek long Korefeigu long Goroka long pas.

Isten Hailans Gavana Peter Numu i tok nigosiesen i bin kamap namel long China na dipatmen bilong egrikalsa i mekim ol pipel tingting planti olsem China kampani bai kisim dispela graun.

Dipatmen bilong egrikalsa na laipstok i no bin kisim gutpela toktok long dispela proses olsem na hevi i kamap na pasim wok long go het.

“Olgeta proses bilong nigosiesen na saining i bin kamap namel long China Railway International na dipatmen bilong egrikalsa na  Praim Minista bipo Peter O’Neil i bin witnesim,” Mista Numu i tok.