INDONESIA gavman i salim 400 moa soldiabilong en i go long Wes Papua, wanpela mausman bilong ami i tok.

Dispela em bihain long wanpela separetis lida i givim tok lukaut olsem bihain long planti yia militari i redi long kamapim wanpela bikpela sekyuriti operesen long dispela hap.

Las wik Presiden Joko Widodo i givim oda long krekdaun long ol separetis lida bihain long ol i bin sutim sif intelijen opisa bilong en long Papua insait long wanpela banis pait.

Ol ami i go long wanpela hap bilong kantri we i no save gat planti pait long planti yia. Tasol dispela pait i kamap taim Indonesia i kolim ol separetis olsem ol teroris.

Human Rights Watch i tok strong long gavman bilong Indonesia long skelim gen dispel tok bilong en taim em i tok ol separetis em ol teroris.

Nau long dispela taim ol i katim intanet komyunikesen, na ol ami i kam planti tru na olpipel i ranawe pinis long bus, lida bilong United Liberation Movement West Papua i tok.

Dispela pait i mekim 40,000 pipel i ranawe na lusim ples bilong ol.