HET bilong Katolik sios long Papua Niugini, Kardinal Sir John Ribat singaut long ol pipel long kantri long ol i mas bihainim stret ol helt edvais i kam long gavman na ol atoriti long help long stopim raun bilong COVID-19 long kantri.

Kardinal Sir Ribat i tok i gat planti toktok long kantri we ol pipel i no bilip olsem COVID-19 em i tru tru sik o sampela i tok ol i gat strongpela bilip olsem God bai lukautim ol long dispela sik tasol dispela em i no stretpela tingting.

Em i tok nau em sik i kamap bikpela na ol pipel i mas wok bung wantaim gavman long helpim ol yet na komyuniti bilong ol.