GAVMAN bilong Fiji i singaut long ol pipel bilong en i stap long PNG i mas go bek long ples nau taim COVID-19 long PNG i bikhet tru na namba i sut i go antap tru long kantri.

Fiji gavman i tok em i redim ol balus nau long karim ol pipel bilong em i go aut long Pot Mosbi stat long neks wik.

Ol helt ekspet i bilip olsem dispela sik em i bagarapim ples tru na ol opisel namba i no soim stret bagarap long wanem ol tes i no ran gut.

I gat samting olsem 500 Fiji pipel i stap long Pot Mosbi.

Helt Minista bilong Fiji Dokta Ifereimi Waqainabete i tok em i wari na tok strong long ol pipel bilong Fiji husat i stap long PNG long kontektim em save ol i laik go.