Wanpela saveman long sait bilong vaires insait long Papua Niugini i gat wari olsem
kantri i nogat inap data o infomesen bilong COVID-19, we i ken lukim helpim bilong
veksin insait long kantri.

Dokta Peter Siba, em wanpela virologist, o saientis husat i save lukluk na mekim wok
painimaut long ol vaires we i save kamapim sik.
Tasol, Helt Dipatmen bilong kantri wantaim World Health Organisation insait long kantri,
i tok olsem i gat data na infomesen i stap long sik COVID-19 insait long Papua Niugini.
Bikpela salens bilong nau, em long sait bilong testing.