OL pasin kalsa, kastom na tokples bilong ol Aboriginal pipel long Austalia klostu i wankain olsem pasin bilong ol pipel bilong ol Pasifik ailan.

Long edukesen sevis tu long ol rural komyuniti long Australia, i gat wankain hevi tu namel long ol Aboriginal pipel.

Dispela ol ekspiriens i mekim na Hunhak Matthias Gale bilong Malaita provins long Solomon Ailan, i givim moa long 10-pela yia long stap olsem tisa long Northern Territory long Australia.

Mista Gale i tok em i wok long lainim ol tokples bilong ol Aborigini pipel long komyuniti we em i stap wok long en.