BIKPELA win na ren i kamapim bikpela bagarap long hap bilong Not Kwinslan, Australia long Tunde. Dispela bagarap em saiklon Imogen i bin kamapim.

Ripot i tok bikpela ren tru i bin pundaun long hap bilong Cairns na Townsville. Ol ples olsem Mission Beach i bin rekodim 150mm ren long 6-pela aua namel long 2am na 9 am long Tunde moning.

Tait wara i karamapim ol rot na bris bihain long Herbert River i solap na kapsait long Sande. Ripot i tok tu olsem ren bai i stap yet long hap bilong Herbert na Lower Burdekin i go long Bowen.