Dia Edita,

Mipela ol papamama i wok long sotwin long traim putim ol pikinini long komyuniti skul nau. Tasol olgeta de ol tisa i save tok olsem i no gat spes long kisim ol nupela enrolmen. Ol i tok olsem bikos i no gat inap klasrum long ol skul.

Sampela bilong mipela i bin pulimapim ol enrolmen fom long Oktoba 2020. Skul i tokim mipela olsem bai ol i tok save long Desemba 2020. Tasol i kam inap nau Februeri 2021, i no gat lista bilong ol studen i kamap yet na skul i stat tupela wik nau.

Mi laik bai Edukesen Seketeri na Minista i tokaut tu long hamas pikinini bai inap stap long wan wan klasrum. Sampela klasrum i liklik tru tasol i gat samting olsem 60 i go inap long 80 studen i save sindaun. Em wanem kain nupela pasin bilong kisim kain sik olsem COVID-19 o?

I mas gat mak long namba bilong ol studen long wan wan klas long ol praimeri skul.

Hereva Sibona

5 Mail, NCD