MANU Soka Asosiesen i bin makim olpela polis opisa Philip Kalwaun olsem nupela presiden bilong Asosiesen long senisim Jack Nawi Changau long dispela yia fowat.

Dispela nupela presiden i bin win wantaim 15 vot long senisim Changau husat i bin lusim posisen wantaim 10-pela vot. Ol klap husat i bin rejista aninit long Manus Soka Asosiesen em 32 na ol i gat wanpela presiden long asosiasen. Vais presiden bilong ol em Peter Sakael, Treseri Julie Peliokai, Wimen Rep Stella Kialou taim Michael Leevers makim memba nating.

Manus provins Asosiesen i kam aninit long Papua Niugini Futbal Asosiasen (PNGFA) long makim provins bilong ol yet. PNGFA i save holim bung olgeta taim long lukim olgeta presiden bilong wan wan provins i mas kamap long givim ripot bilong hau ol ranim grasrut futbal go antap long provinsal na nesenel level. Wan wan presiden bilong ol provins i save kamap long putim nem long pilai long Nesenel Soka Sempiansip long Mosbi olgeta yia. Dispela i save kamap gut taim olgeta provins i ranim kompetisen na stap long seleksen bilong Nesenel level kompetisen. Presiden bilong wan wan provinsal asosiesen i gat planti wok long karimaut na mekim gutpela nem bilong provins na tu long kamapim planti nesenel na intenesenel pilaia long kantri.

Jacklyn Kimala i raitim