OL Senia Menesa bilong Nesenal Yut Divelopen Atoriti (NYDA), Papua Niugini Spot Faundesen (PNGSF) na Dipatmen bilong Komyuniti Developmen na Plening (DCDR) i bung long kmapim namba wan rijinol gem long Papua Rijon.

Dispela gem i bai kamap long Alotau long  Janueri 16 i go inap long 22. Mak olsem 15 distrik i rejista pinis na planti moa i bai joinim long neks mun i go olsem long pilai long dispela Rijinol Yut Gem (RYC).

Dispela nupela stail bilong spot i stap long ol distrik na em ba mekim isi long ol man na meri husat i laik pilai. RYC i kisim pasin bilong plei spot i go klostu long haus dua bilong ol pipel. RYC i mekim isi long ol pipel insait long ol Lokal Level Gavman (LLG) i ken pilai spots na i ken makim maus bilong distrik na go pilai long ol bikpela spot tu.