Jacklyn Kimala i raitim DIGICEL Kap eliminesen fainel bai kamap long dispela Sande long Nesenel Futbal Stedium. Dispela 2021 kompetisen i bin stat gut wantaim strongpela protokol bilong COVID-19 na nau bai lukim eliminesen fainel namel long ol top 4-pela tim bai resis namel long yet taim

Tim 1 na Tim 2 bai malolo pastaim long dispela Sande. Namel long dispela eliminesen fainel bai lukim Tim 3 Waghi Tumbe pait wantaim Tim 6 Rabaul Gurias, bihainim em Tim 4 Hela Wigmen bai salensim Tim 5 POM Vipers. Tim 1 PRK Muruks na Tim 2 Lae Tigers bai malolo pastaim long pilai neks wik wantaim wina tim bilong tupela eliminesen fainel we

bai i kamap. Gud lak long ol top sikis tim long pilai strong na kisim ples anap long top sikis fainel, nau ol bai traim resis moa strong long daunim narapela long go insait long prilimineri fainel, semi-fainel na gren fainel bilong 2021. Bihain long gren fainel na bai yumi lukim husat strongpela tim stret bai wokabaut go wantaim 2021 taitel.