Papua Niugini Olimpik Komiti (PNGOC) i tokaut long nupela 2021 -2024 plen. Dispela plen ol i bin tokaut
long wanpela bung we ol patna na sponsa i bin kam stap wantaim long Gateway Hotel long Pot Mosbi.

PNGOC Jeneral seketeri Auvita Rapilla i tok nupela 4 yia plen em i bilong soim rot na impruvmen bilong
ol wok bilong PNGOC insait long kantri. Lista bilong foapela as tingting insait long nupela plen ol i bin
mekim long Ogas las yia i olsem: Gutpela tingting plen wantaim patnasip. Fokas long mekim PNGOC i
wok klostu wantaim gavman na Olimpik muvmen. Driman bilong gutpela wok em i namba tu taget
bilong
plen we PNGOC i promis long kamapim Tim PNG olsem wanpela strongpela tim insait long olgeta spot
kompetisen ol bai pilai long en. Divelopim strongpela na gutpela Nesenel Federesen em i narapela
tingting bilong promotim spot long kamapim divelopmen. “Em i impoten olsem mipela stretim na
bihainim plen,” Rapilla i tok. Em i tok mipela i luksave olsem mipela i gat bikpela fokas long wok aninit
long Olimpik wok bilong mipela olsem memba bilong Common Wealth Games Federation na Pasifik
Gems Kaunsil. Rapilla i tok amamas long sapot bilong ol patna na komitmen bilong ol sponsa i save
mekim ol samting i save kamap long mak bilong em.

Joseph Dawai i raitim