SAUTEN Yut Divelopmen tim i bin statim winim Tavur FC long raun bilong 2021 NSL sisen long Pot Mosbi
las wik Sarere.

Dispela Sauten Yut Divelopmen tim i kamap bihainim tingting bilong PNGFA long
divelopim ol yangpela nupela pilaia husat i laik pilai tasol no gat planti ekspriens pinis wankain long ol
Noten Yut Divelopmen tim. Tavur FC tim em wanpela bilong ol nupela tim husat i bin joinim 2021 sisen,
we i ekspriens kepten tasol i bin lus long Sauten Yut Divelopmen
tim 2-1. Kosa bilong Sauten Divelopmen tim Mathew Witu i tok dispela divelopmen tim long pilai long
NSL long makim PMSA Tabubil tasol ol no gat gutpela talen long traim wok strong. “Mipela nidim planti
wok long sait bilong difens na atek na luk fowat long salensim ol narapela tim,” Witu i tok. Yangpela
straika bilong Sauten Yut Divelopmen tim i kam long Kaupa Soka Lig Asosiesen wantaim autstending
pefomens long skorim tupela gol na daunim Tavur FC 2-1. Asisten kosa bilong Tavur FC Hans Fred i tok
tenkyu long gutpela gem bilong ol tim tasol ol luksave long planti asua insait long mekim wan wan
disisen. “Mipela i no gat tim wok long taim bilong gem na tu no gat gutpela fitnes level bilong mipela na
nau mipela bai go bek long bildim long namba tu pilai gen,” Fred i tok. “Planti asua i kamap bikos no gat
gutpela tim koperesen na tu dispela tingting bilong skroim gol i no kamap planti we i bin daunim ateking
fitnes bilong ol,” em i tok. Em i tok dispela stat bilong sisen i ken opim ai bilong ol long wok strong na
nidim tim wok.
Jacklyn Kimala i raitim