PRK Mendi Muruks i bin daunim Kroton Hela Wigmen long raun namba 7 bilong Digicel Kap long las wik Sande.

Dispela tupela tim sinadaun long namba tu na tri ples i bin resis wankain na pulim planti sapota long go lukim gem namel long Vipers na Tigers bihainim wantaim Muruks na Wigmen.

Kosa bilong Mendi Muruks Roderick Puname i tok maski ren long Lae na ol pilaia i no trening gut tasol gutpela pefomens bilong tim long raun 7.

“Mipela i gat nupela hapbek Josaihia Jimmy bilong Cutters long joinim Muruks tim bikos long kik gem bilong em olsem na mipela wok isi long dispela,” Puname i tok.

Em i tok planti asua kamap long ol hapbek bikos no gat gutpela sapot tasol ol bai wok long dispela ol asua na traim ol Sentral Dabaris long dispela wiken raun 8.

“Mipela redi long stretim ol hapbek wantaim moa trening bekim bilong las wik no gat gutpela trening tasol Muruks pefom gut na autim ol strongpela tim Wigmen,” em i tok.

Jacklyn Kimala i raitim