OL Distens Rana i long Kerowagi i bin go lukim Nesenel Spot Institut (NSI) namba tu taim long las wiken long testim taim bilong ol. Ol bai resis long PNG Air Grand Prix Siris bai kamap long 2 Julai.

Sampela ol kompetisen i stap long Pot Mosbi namel long ol man. Long disten bung wantaim ol Kerowagi grup olsem George Yamak, Dilu Goiye, Aquila Turalom na Abel Siune bai salensim ol strongpela lain long Utmei olsem Siune Kagl na Israel Takap na tu ol rana beis long Wes Nu Briten,  Andipas Georasi wantaim Yamak husat i bin pinis long sikis. Turalom husat i bin lukautim dispela trail i winim tupela 1500m (4minit 20seken) na 3000m (9minit 29seken).

Na resis bilong ol man long 800m i bin orait wantaim Samuel Pai husat i luk strong long ran 2minit 3seken long Goroka.

Em i ken laikim ol salens bilong Tim Nest etlit Jonah Theo wantaim Adolf Kauba na Sialis Passingan husat i trening gut wantaim ol Utmei na ran klostu long 2minit.

Long resis bilong ol meri, Anna Toby , Cecilia Kuman, Aina Goir na Mary Kua bai kisim ol rana husat i bin makim kantri long 2019 Pasifik Gems, Mary Tenge na Monica Lalua bilong Utmei

Dispela PNG Air Grand Prix resis bai kamap long wiken stat long 2 i go inap 4 Julai, 2021 long Pot Mosbi.

Jacklyn Kimala i raitim