Ol sumatin bilong Yunivesiti ov Teknoloji (Unitech) long Lae i helpim long givim skils-beis basketbal trening program long ol rurel viles insait long kantri.

Theodist Unitech Bulls Basketbal klap husat em i opisal basketbal tim bilong Yunivesiti we i gat ol sumatin na ol pilaia bilong lokal komyuniti i save bung wantaim na pilai long dispela klap.

Dispela klap i stap long Noten hap bilong Lae siti i save yusim basketbal long provaidim lidasip trening long ol praimeri na Hai skul sumatin long givim ol sans long save long wan wan pilaia na tim skils pastaim long ol i ekspiriensim laip.

Unitech Bulls kosa Veronica Michael husat i bin kosim klap moa long 20-pela yia i lukim olsem dispela program i ken helpim ol yangpela long rurel komyuniti.

“Mipela wok bung wantaim ol komyuniti, viles elda na ol ogenais spot bilong sampela ples na ol komyuniti i stap klostu wantaim,” Misis Michael i tok.

“Program bai inap helpim ol yangpela long lainim skils na em bai givim sans long save long ol talent bilong ol praimeri na hai skul sumatin long dispela spot.

“Bihain long tim na skil-bes lessen ol sumatin i save involv long sosol basketbal gems long pinis bilong wiken program. Ol dispela sumatin i kontribiut planti i go bek long komyuniti na dispela i soim olsem ol em bihain taim lida,” em i tok.

Raphael Arpa, Nelson Thom na Giovanni Pumboi bin tekpat long dispela program inap tripela (3) yia nau. Arpa i mekim fainel yia bilong em long stadim mets na kompuita saens long Unitech na em i bin pilai wantaim Bulls long taim em i bin stap long hai skul.

“Mi laikim ol sans basketbal spot i provaidim long mi namel long ol dispela yia na mi laik givim i go bek long ol yangpela long ol i ken pilai basketbal long rijon bilong mipela,” Arpa i tok.

Thom i graduet pinis long Lae-Beis Divine Word Yunivesiti wantaim digri long Jenalis na em i bin makim rijon na kantri long pilai basketball na em i save helpim kosa Michael. Thom i save ogenaisim divelopmen trip i go long ol rurel komyuniti.

“Divelopmen program i wok long gro olgeta yia,” Thom i tok.

Joseph Dawai i raitim