WANPELA etlit bilong PNG, Rellie Kaputin, i kisim bikpela namba long kalap na nau em i kisim spes long PNG tim long etletik kompetisen long Tokyo Olimpik.

Em i bin kalap 6.42 mita long sekens taim bilong em long Fesitivol ov Etletik long Townsville, Australia long Sarere.

Em i bin kisim bikpela namba tu long kalap long Jun 2019 long namba sikis na fainel kalap bilong Oceania Sempiansip long Townsville. Kaputin i bin kalap antap long 6.50m na rausim gol medol long Brooke Stratton bilong Australia

Kosa bilong em, Phillip Newton, i bin givim ripot olsem ol samting i luk gut long Sarere long mekim Kaputin i impruvim mak bilong em 6.42m. Namba wan na namba tri kalap bilong em tu antap 6.30m na olgeta tripela kalap wantaim i kam bihain long tek ov bod.

Rellie i bin pilim pen liklik long han bilong em na i bin pasim las tripela taim bilong em long pinisim resis.

Ol bai mekim fainel disisen na tokaut long husat bai makim PNG long etletik long Tokyo long 1 Julai bihain long ol i pasim opisal kwalifaing taim.

Jacklyn Kimala i raitim