MONI Plus NCDC POM Vipers i bin autim ol Goroka Lahanis wantaim 2-pela poin bihain long winim ol 12-10 long las wik Sarere long Sir John Guise Stedium.

Dispela gem bilogn tupela tim i bin soim strongpela talen na skil bilong ol bikos tupela wantaim i wankain.

Long namba wan hap bilong gem tupela pilai tait gem tasol Vipers i gat sans long abrusim Lahanis tasol i bin asua planti long lusim bal.

Lahanis tu i gat wankain sans olsem Vipers tasol ol i asua long tupela poin we Vipers kisim long winim ol long raun 2.

Tupela golden poin bilong tupela tim wantaim tasol Lahanis i givim long Vipers long mekim nem bilong win.

Gem straksa bilong tupela tim long namba tu hap i bin ran wankain olsem namba wan hap bilong gem tasol wanpela narapela samting em poin tasol i bin mekim Vipers long winim gem.

Difens bilong tupela tim wantaim wankain tasol Vipers i moa long Lahanis, maski Lahanis i gat strongpela difens tasol Vipers mekim ol lusim difens bilong ol.

Dispela bai givim strong long ol Lahanis long strongim difens bilong ol gen long raun 3 bilong resis.

Jacklyn Kimala i raitim