Tuna Tine i bin greduet long New Mexico Militeri Institut long Roswell, NM bihain long em i bin pinisim tupela yia program bilong em long hap.

Olgeta militeri skul i gat nem olsem, NMMI em tu i kam aninit long Junia Kolis na stap insait long Nesenel Junia Kolis spot program.

Dispela NMMI i no gat trek na fil tim, em i gat Cross Kantri Program na dispela em long dispela program we Tine i bin kisim ful skolasip program bilong tupela yia bihainim lek mak bilong Nu Ailan Etlit Esther Simon husat i bin greduet las yia na i bin go insait long Yunivesiti.

Long makim Etletiks PNG, Presiden bilong ol Tony Green i bin amamasim Tine long greduesen taim. “Mipela i save olsem Tuna i bin wok hat long las tupela yia na mipela i amamas long em” Green i tok.

“Dispela i no save kamap olgeta taim long joinim ol program na bikpela Gem wantaim ol kolis na Yunivestiti long USA na tu long ekademik sait bilong wan wan etlit.

Tasol tupela meri wantaim i gat fitsa long trek na fil na mipela i nau wok wantaim Tuna long helpim em painim skolasip ples insait long Yunivesiti na em bai ken kisim digri na kamap hap bilong gutpela trek bilong program na PNG tim”.

Dispela lokdaun long dispela yia i bin givim planti sumatin etlits long stap narapela moa yia long USA, we i givim moa taim long pinisim stadi bilong ol na resis wankain long gem sisen bilong trek na fil.