OL Manchester United i bin askim Zinedine Zidane long kamap nupela menesa bilong ol.

  Tasol long ripot bilong olpela bos bilong Real Madrid i mekim, em i no gat intres long go long Old Trafford long dispela taim. Manchester i bin rausim Ole Gunnar Soskjaer long las wik Sande bihain long ol i bin lus long Sarere 4-1 long Watford. Zidane i bin pinisim namba tu wok bilong em olsem menesa bilong Real long mun Me long dispela yia. Em i bin winim tripela konseketiv Sempiansip Lig taitel wantaim ol klap long 2016.

Bihain long lusim klap long 2018, em i bin go bek leit na winim La Liga na Spanish Supa Kap long 2020. Dispela ripot i bin tokaut olsem dispela biknem olpela France na Real midfila bai no inap muv go long United nau yet. Em i bin bung wantaim ol nesenel sait bilong Frans na Paris St-Germain na bai redi long kisim dispela sans. Mauricio Pochettino husat i save toktok long kamap bihain taim bos bilong United em nau i menesa bilong PSG. Em i gat ful strong long ol Argentine na i no bin mekim wanpela muv long senisim em wantaim Zidane.