OL host skorim tupela kwik gol long narapela sait lo haptaim tru lo Gutetan Laborde na Flavien Tait. Sait bilong Mauricio Pochettino i no bin gat wanpela singol sot long mak, maski taim Messi, Neymar na Kylian Mbappe olgeta i stat wantaim.

Dispela lus em i namba wan lus bilong PSG insait long Ligue 1 long Epril yet taim ol i bin lus long ol sempian bilong las sisen, Lille. Rennes i bin opim skoring long 44 minit taim Laborde i mekim konvet long kros bilong Kamaldeen Sulemana. Tait i putim seken gol bihain long ol i stat gen wantaim swip pinis long kona. Bihain long ol i traim long abrusim mak ol i katim antap long mak long namba wan-hap, Mbappe i bin ting em i kisim bek wanpela gol bilong Pochettino sait namel long seken-hap tasol video referi i rulim aut olsem em i opsait.

Referi Ruddy Buquet i bin larim PSG na givim sans long ol i abrusim moa bagarap taim em i rivesim disisen bilong em lo awotim penalti long faul bilong Larborde bihain long sekim pits sait monita. Neymar i bin misim wanpela voli long namba wan-hap na Idrissa Gueye kam paiarim longwe long pos, tasol Lionel Messi i kam klostu bilong PSG taim em i bin hitim krosbar long wanpela fri-kik. Long sait bilong Rennes Bruno Guesio i bin gat tupela win insait long Lique 1 taim ol i go insait long gem bilong Sande na ol i bin klinikol long ai bilong mak na skorim tupela gol long foapela sot long mak. Risalt i lukim PSG i stap antap wantaim 24 poin, em sikis poin klia long Lens na Rennes suruk i go antap long seven ples.